Edis Maliqi është zyrtarisht lojtar i Dinamos. Lajmi i publikuar sot ekskluzivisht në gazetën “Panorama Sport”, ka gjetur edhe konfirmimin e klubit blu.
Më konkretisht, trajneri Bledi Shkëmbi, pas miqësores së sotme në Cërrik, ka deklaruar për gazetën se mbrojtësi i djathtë nga Shkupi ka firmosur me Dinamon.
“Po, kemi arritur marrëveshjen me Maliqin. Mendoj se do të jetë një vlerë e shtuar për ekipin tonë këtë sezon”, konfirmoi Shkëmbi për “Panorama Sport”.
