Një lajm i mirë dhe një i keq për Juventus, që duket se ka nuhatur një goditje me kosto zero për sezonin e ardhshëm.
Bëhet fjalë për mbrojtësin e Chelsea-t, Antonio Rudiger, i cili nuk po rinovon kontratën që skadon sezonin e ardhshëm. Lojtari kërkon 7 milionë sterlina në sezon.
Lajmi i keq për Juventus-in është se për mbrojtësin interesohet edhe Bayern Munich, sipas Telegraph.
28-vjeçari do të ketë mundësi të arrijë një marrëveshje me një skuadër të re në janar nëse nuk do të rinovojë me kampionët e Europës.
Juventus kërkon të përfitojë nga situata për t’i dhuruar Allegri-t një mbrojtës cilësor, por duhet mposhtur konkurrenca e Bayern, që kërkon ta kthejë në atdhe qendërmbrojtësin gjerman.
