Achraf Hakimi është kthyer menjëherë në një lojtar kyç për PSG, aq sa deri më sot është futbollisti i dytë më i aktivizuar nga trajneri Pochettino.
Ish-ylli i Inter-it ka folur për përshtatjen e tij në Paris në një intervistë të dhënë për kanalet zyrtare të klubit:
“Po shkon gjithçka shumë mirë. Jam shumë i lumtur në Paris, skuadra është e pabesueshme, të gjithë janë të sjellshëm me mua”, ka thënë marokeni.
“Jam i nderuar që kam nënshkruar me PSG, një klub historik dhe shumë tërheqës. Jam i nderuar që jam pjesë e kësaj skuadre, shpresoj të bëj gjëra të mëdha, të argëtohem dhe të gdhend emrin tim në historinë e PSG”.
