Juventus duket se është rikthyer.
Pas fitores së madhe të arritur në Champions League kundër kampionëve të Europës në fuqi, Chelsea-n, skuadra e Massimiliano Allegri-t ka fituar edhe derbin kundër Torino-s.
Ndeshja e luajtur në stadiumin Olimpico të Torinos ka qenë shumë e luftuar dhe është vendosur katër minuta para fundit të takimit.
Ka qenë një gol i Manuel Locatelli-t në minutën e 86-të që i ka dhuruar Zonjës së Vjetër triumfin në derbi dhe ka dërguar bardhezinjtë përkohësisht vetëm një pikë larg zonës Champions ne renditje.
23-vjeçari ka mposhtur portierin Milinkovic-Savic me një goditje perfekte nga jashtë zone.
Në fundin e takimit, Juventus mund të kishte dyfishuar avantazhin me Kulusevski-n, por goditja e suedezit është ndalur nga shtylla.
