Interi triumfoi mbrëmë ndaj Sasuolos me rezultatin 1-2 në “MAPEI Stadium” falë golave të Edin Xhekos dhe Lautaro Martinez me penallti.
Ndërkohë që Interi shkëlqeu ndaj skuadrës emiliane, ishte Aleksis Sançez i cili duket sikur ka prishur festën e ekipit zikaltër. Sulmuesi kilian me anë të një postimi në “Story” të rrjetit social “Instagram”, duke shkruajtur:
“Mund të vlesh shumë, por nëse je në vendin e gabuar nuk do të shkëlqesh.” Ishte ky postimi i Sançez i cili kishte publikuar një foto të një “Lamborghini”, duke nënkuptuar se mesa duket sulmuesi kilian nuk është në planet e trajnerit Simone Inzagi.