Napoli vazhdon marshimin në Serinë A në krah të Milan-it.
Një prej më të mirëve të axurrëve është Mario Rui, i kthyer në nivele shumë të mira.
“Sekreti ynë është puna e përditshme që po bëjmë në stërvitje. Nuk është momenti për të folur për të kaluarën sepse nuk mund të ndryshohet. Duhet të vazhdojmë të punojmë dhe të përgatitemi në mënyrën më të mirë të mundshme për të ardhmen”, ka thënë portugezi për Radio Kiss Kiss.
A është e mundur të shihet një Napoli prej 91 pikësh si ai i Sarri-t në 2018-ën? Rui është përgjigjur:
“Do të jetë shumë e vështirë të shohim një kampionat më të ekuilibruar se ai i atij viti. Nuk e di nëse do të jetë e mundur të arrijmë atë numër pikësh, por të gjithë ne duam një fund të ndryshëm në krahasim me atë sezon”.
