Në minutën e 13-të të ndeshjes Fiorentina-Benevento, gjyqtari ka ndalur lojën për më shumë se një minutë. Asnjë incident apo dëmtim, por të gjithë kanë ndalur në fushë. Gjyqtari dha 1 minutë heshtje në kujtim të Davide Astorit në minutën e 13-të, numër që ish-kapiteni i Fiorentinës mbante në shpinë.
Sërish emocione, duartrokitje dhe lot në fushë e në shkallët e stadiumit, ku dhe e krijua një koreografi e jashtëzakonshme në kujtim të kapitenit. Tifozët kanë shpalosur një koreografi të madhe, duke shkruar “Davide 13” në kujtim të Astorit, e gjitha me ngjyrën vjollcë të skuadrës së Fiorentinës.
