Futbollistët e kombëtares së Brazilit të cilët luajnë në Premier Ligë udhëtuan së bashku në një avion pas ndeshjes së fundit kualifikuese të Botërorit “Katar 2022” kundër Argjentinës.
“Seleçao” që barazoi 0-0 me rivalët të martën, e kishte siguruar kualifikimin në Katar që javën e shkuar me fitoren e ngushtë kundër Kolumbisë. Por pas kësaj ndeshjeje e siguroi biletën edhe Argjentina.
Liverpuli (Alison dhe Fabinjo), Siti (Zhezus dhe Ederson), Junajtid (Fred) dhe Lidsi (Rafinja) u bënë bashkë dhe i kthyen lojtarët e tyre me një avion privat për të mos humbur kohë.
