Dëmtimi i Aleksis Sançez me kombëtaren ka alarmuar drejtuesit e Interit, të cilët kanë hedhur sytë nga merkatoja për të gjetur një zëvendësues për kilianin. Emri më i përfolur është sulmuesi i Sasuolos, Xhiakomo Raspadori.
Italiani shihet si profil i duhur për të përforcuar skuadrën për shkak se profili i tij, i përshtatet politikave të klubit.
Raspadori është kërkuar dhe në verë nga Interi, me drejtorin sportiv Marota që ka arritur një akord paraprak me lojtarin. Duke parë dëmtimet në sulm të Sançez dhe Xheko, atëherë drejtuesit mund ta afrojnë 21 vjeçarin që në merkaton e janarit.
Emrat e tjerë që përfliten për sulmin janë Andrea Beloti dhe Luka Joviç.
