Java e nëntë në Superiore ka nxjerrë në pah disa emra lojtarësh të cilët kanë spikatur në lojën e tyre. Nuk bëhet fjalë për vetëm për lojtarë të mirëpaguar e që janë afruar me shumë bujë te klubet kryesore, por edhe për surpriza të këndshme si në rastin e Peposhit të Kukësit, i improvizuar me sukses në një rol të pazakontë për të.
“Panorama Sport” ju sjell në vijim formacionin ideal të javës, me emra si ai i futbollistit të Kukësit, por edhe Allmuça i Egnatias apo Bakaj i Dinamos, i kthyer në hero “nga halli’ për shkak të dëmtimit të Harizajt.
Ndërkohë, te zhgënjimet ka shumë emra të njohur, si Isaevski te Dinamo i cili dukej në vështirësi të mëdha. Apo edhe Ngo, i cili është jashtë forme dhe po ndikon në mënyrë jo pozitive te loja e Tiranës.
Sa u përket trajnerëve, më i miri ishte padyshim Longo i cili gjeti “çelësin” për të ndalur bardheblutë kryesues.