Ndeshjet e të shtunës në Kategorinë Superiore kanë sjellë disa lëvizje të rëndësishme në tabelën e kualifikimit, edhe pse mbeten 2 ndeshje për t’u luajtur për të plotësuar tablonë e javës së 10.
Tirana sigurisht mbetet e palëvizur në majën e klasifikimit, por me barazimin e sotëm ndaj Skënderbeut, bardheblutë humbin një mundësi të mirë për të vazhduar arratinë e tyre dhe shohin skuadrat që i ndjekin në klasifikim t’u afrohen edhe më shumë.
Ajo që ka përfituar është padyshim Vllaznia, e cila me vetëm 5 pikë larg bardhebluve, sheh një largësi mëse të rikuperueshme në vijim, duke e përfshirë veten që sot në listën e skuadrave pretendente.
Një pikë shumë e rëndësishme ishe edhe ajo e siguruar nga Skënderbeu, pasi vë më shumë nën trysni skuadrat e Egnatias dhe Dinamos të cilat gjenden sipër saj në klasifikim e tashmë kërcënohen realisht nga korçarët që po kalojnë një fazë të mirë në kampionat.
JAVA 10
Të premten
Partizani-Teuta 2-1
90’ (p) Zhunior, 90’+6’ Cara / 26’ Gjorgiev
Të shtunën
Skënderbeu-Tirana 0-0
Vllaznia-Laçi 1-0
49’ Da Silva
Të dielën
Dinamo-Kastrioti 13:45
Kukësi-Egnatia 13:45
