Janë mbyllur ndeshjet e pasdites në Bundesliga sa i përket javës së 15-të ku bie në sy sigurisht barazimi i Borussia Dortmund në fushën e Bochum, skuadër që sivjet lufton për mbijetesën.
Verdhezinjtë pësuan gol në pjesën e parë dhe më pas e patën të vështirë të reagonin edhe pse prodhuan lojë. Haaland në hije totale, teksa duhet një gol i Brandt për të shmangur humbjen në fund.
Kujtojmë që në fillim të pjesës së dytë u penalizua sidomos për një gol të shënuar të Ëolf dhe më pas të anuluar.
Fiton Bayern Munich dhe nuk shënon Leëandoëski (pak habi!) Pasi Mainz në pjesën e parë po fitonte 0-1 me golin e Onisiëo, në pjesën e dytë ndizet Coman shënon 1-1 dhe më pas është talenti i ri Musiala ai që vendos shifrat në 2-1 dhe arratisjen e skuadrës së Nagelsmann në renditje.
Sukses i thellë edhe për Leipzig ndaj Borussia Monchenglabah, që në dy ndeshjet e fundit ka pësuar plot 10 gola. Klubi i Red Bull triumfoi sot 4-1 me golat e Gvardiol, Andre Silva, Henrichs dhe Nkunku.
Jovetic është heroi i Hertha Berlin në suksesin 2-0 ndaj Arminia Bielefeld, teksa Hoffenheim fiton në fushën e Freiburg (1-2)
