Pas shortit të Ligës së Evropës, që e përballi Barcelonën e tij kundër Napolit, trajneri blaugrana, Xavi Hernandez, komentoi: “Ne ishim të pafat në short. Do të jetë një tjetër nderim për Maradonën. Do të duhet të garojmë në nivelet më të larta, sepse Napoli është një rival i denjë për Champions.
Megjithatë, kanë mbetur edhe dy muaj dhe shpresoj se do të kalojmë një kohë më të mirë se tani. Po punojmë për ta rikthyer Barçën atje ku e meriton. Liga e Europës duhet të kthehet në Ligën e Kampionëve për ne”.
