Frenk Kesi është i grumbulluar me kombëtaren e Bregut të Fildishtë për Kupën e Afrikës dhe me gjasë do t’i mungojë Milanit për ndeshjet e janarit.
Rikthimi i tij në shkurt do të jetë një ndihmesë për ekipin, por përbën edhe një lajm të keq për tifozët. Në fakt, me sa duket, 24-vjeçari ka vendosur për t’u larguar falas nga klubi aktual.
Ai ka refuzuar 6 milionët sezonalë te “Djallit” dhe sipas mediave franceze ka një akord me Totenhemin që i garanton 8 milionë në vit.
Tani pritet vendimi i “Spursa”-ve që mund t’i bëjnë një ofertë modeste Milanit për ta pasur mesfushorin nën urdhrat e Kontes që në fazën e dytë. Në të kundërt, Kesi do të mbyllë sezonin me kuqezinjtë për të qenë më pas i lirë në verë.
