Zërat se Interi është futur në lojë për Paulo Dibalën, duke qenë se nëse lojtari hyn në 6-mujorin e fundit të kontratës me klubin aktual mund të kontaktohet nga kushdo, kanë bërë që administratori Xhuzepe Marota të nisë të vërë në zbatim planin e tij.
Gjithsesi, nga Milanoja nënvizojnë se zikaltrit nuk është se mund t’i ofrojnë argjentinasit një rrogë më të lartë sesa Juventusi.
Zërat nga selia e Interit thonë se oferta e parë dhe e vetme është ajo e 30 milionë eurove për 4 vite, e thënë ndryshe 7.5 milionë euro neto në sezon për Paulo Dibalën, ndërkohë që Juvja ka zbritur nga 10 në 9 milionë, përfshirë bonuset.
