Futbollisti i Mançester Junajtid, Mejson Grinvud, është duke u investiguar nga policia angleze, për shkak se është akuzuar nga e dashura e tij, Herrit Robson, për dhunë ndaj saj.
E dashura e 20-vjeçarit, ka postuar një video dhe disa foto ku tregon shenjat e dhunës nga sulmuesi. Gjithashtu në një video ku është e mbuluar me gjak, ajo shkruan: “Për të gjithë që duan ta dinë se çfarë më Mejson Grinvud më bëri saktësisht”.
Gjithashtu ajo ka postuar dhe një audio nga tetori i 2021, ku tregohet se çfarë i thotë Grinvud të dashurës së tij gjatë momenteve kur e dhunon.
Për këtë lajm ka reaguar dhe vetë Mançester Junajtid me anë të një deklarate. “Ne jemi të vetëdijshëm për fotot dhe akuzat që qarkullojnë nëpër rrjetet sociale. Ne nuk do të japim asnjë koment të mëtejshëm deri sa ngjarja të zbardhet. Mançester Junajtid nuk lejon dhunë të asnjë lloji”, shprehej klubi anglez.
