Lajme të këqija për Enis Bardhin. Mesfushori maqedonas i Levante-s është dënuar me katër muaj burg dhe një gjobë 1920 euro.
Lojtari i lindur në Shkup dhe me baba shqiptar, e ka marrë këtë dënim për shkak se ka paraqitur një patentë false gjatë një kontrolli të bërë më 5 prillin e viti të kaluar.
Megjithatë, dënimi është pezulluar për dy vite. Lajmi është dhënë nga Marca.
26-vjeçari, i cili do të sfidojë Italinë në mars me Maqedoninë e tij në playoff-et për Katar 2022, ka realizuar 3 gola dhe ka dhënë 2 asiste në 18 ndeshjet e luajtura me Levante-n në këtë sezon.
Në rast se lojtari do të bëjë një tjetër shkelje gjatë dy viteve, atëherë do të duhet ta shlyejë dënimin në burg.