Eduardo Bandeira de Melo është ish-presidenti i Flamengos. Ai ishte ende në detyrë kur Milani bisedoi dhe arriti me klubin brazilian një akord për Lukas Paketanë.
Operacioni do të kryhej për 35 milionë euro, por shuma mund të jetë edhe më e madhe. Këtë e ka sqaruar pikërisht De Melo, që për “ESPN Brasil” ka deklaruar: “Lukasi u shit për 35 milionë euro, por në akordin e shitjes janë përfshirë edhe disa bonuse.
Janë të lidhura me prezenca dhe arritjet e Milanit, por me shumë gjasa do të arrihen. Në atë rast klubi italian do të duhet të paguajë edhe 10 milionë euro të tjera. Akuzohem se e shita lirë Paketanë, por Flamengo mund të përfitojë akoma nga marrëveshja që unë arrita”.
