Teksa Zhafet Tanganga diskuton me Milanin për rrogën që do të kishte te kampionët e Italisë, Totenhemit i ka ardhur një ofertë për kartonin e tij. 20 milionë euro të cilat është gati t’i paguajë menjëherë Notigem Foresti. Të sapongjitur në elitën e futbollit britanik, “Pemëtar” kërkojnë një lider për prapavijën teksa sulmin ia kanë besuar Xhesi Lingardit.
Shuma nuk përbën problem dhe kjo shtyn Totenhemin të orientohet nga bisedimet me homologët vendës. Nga ana tjetër, te Milani synojnë që ofensivën për huazimin e Tangangasë ta zhvillojnë.
Ndërkohë, kuqezinjtë kanë siguruar Jan Karlos Simiçin. 17- vjeçari serb luan si qendërmbrojtës e mbrojtës i majtë dhe u ble për 1 milion euro nga Shtutgarti. Mëngjarash natyral, ai do të stërvitet me ekipin e parë teksa minutazhin do ta marrë me të rinjtë. Në rast largimi të Turesë, do të jetë pikërisht Simiçi rezerva e Teos.
