Italia e luan fatin e kualifikimit të saj në Grupin C në 180 minutat e mbetura, ku në 17 nëntor do të presë Maqedoninë e Veriut dhe ndeshja kundër Ukrainës në Leverkusen 3 ditë më vonë pritet të jetë një finale.
Kampionët e Europës renditen aktualisht -3 pikë nga Ukraina, por kanë luajtur një ndeshje më pak se ata.
Dhe në rast se mundin Maqedoninë e Veriut, do të kapnin rivalët e Rebrovit në klasifikim, duke i lënë pas falë fitores 2-1 në ndeshjen e vajtjes në “San Siro”. Dhe në këtë mënyrë do të kishin në dispozicion dy rezultate nga tri për të siguruar biletën në Gjermani.
Por në rast se do të barazojnë me Maqedoninë e Veriut, atëherë do të jetë e detyruar ta mundë Ukrainën.
