U desh java e peste e Serie A qe Raffaele Palladino te shijonte fitoren e pare ne stolin e Fiorentines. “Vjollcet” fituan 2-1 me permbysje kunder Lazios, ne nje ndeshje me dy fytyra, shume raste dhe te kendshme per t’u ndjekur.
Dueli në “Artemio Franchi” nisi në ekuilibër, me dy skuadrat që kërkonin të studionin skemat e lojës. Megjithëse me disa raste shënimi, goli i parë i ndeshjes u shënua na Gila i Lazios në minutën e 41-të.
Në zhvillimet e një këndoreje dhe pas një pasimi nga Tavares, mbrojtësi ia doli që me kokë të mposhtte De Gean dhe t’i dërgonte skuadrat në dhomat e zhveshjes.
Me nisjen e fraksionit të dytë, Palladino hodhi në fushë Albert Gudmundsson më vend të Martinez dhe islandezit do i duheshin vetëm tre minuta për të shënuar golin e barazimit nga pika e bardhë e penalltisë.
Pas rezultatit 1-1 të dyja skuadrat kërkuan golin e epërsisë, çka do vinte vetëm në minutën e 90-të. Serish Gudmundsson nga penalltia u tregua i sakte dhe Fiorentina permbysi 2-1 per te marre fitoren e pare sezonale pas tre barazimeve dhe nje humbjeje. Me gjashtë pikë skuadra nga Firenze ngjitet për momentin në vendin e dhjetë.
Nderkohe Lazio peson humbjen e dyte sezonale, teksa siglon edhe dy fitore dhe nje barazim. Me shtatë pikë Lazio mban pozitën e shtatë.
