Edhe një futbollist shqiptar i ftuar në ndeshjen e yjeve për bamirësi

Në Itali i thonë “jo” dhunës ndaj femrave edhe nëpërmjet një ndeshjeje futbolli. Një e tillë që do të ketë karakter bamirësie do të zhvillohet më 21 mars në vendin fqinj dhe në të janë të ftuar personalitetet të shumta të botës së futbollit dhe të artit, që pritet të japin spektakël. Ideuar nga Fabrizio Rroca dhe Olivio Lozzi, do të zhvillohet “La Partita Mundial – Italia vs Resto del Mondo”, një event futbolli dhe spektakli, i mbështetur nga media dhe nga qeveria italiane, teksa përfaqëues së saj kanë dalë edhe në konferencë për shtyp në Romë. Në mes personazheve të shumta është i ftuar edhe mesfushori i kombëtares shqiptare dhe Benevento-s, Ledian Memushaj. Mediat italiane kanë zbuluar edhe listën e lojtarëve të ftuar, ku spikasin me të tjerëve emra si Batistuta, Perrota, Delvecchio, Mihajlovic etj.  Në këtë event do të jetë edhe këngëtarja e famshme Anna Tatangelo, por edhe këngëtarë të tjerë dhe të gjitha të ardhurat e grumbulluara nga ky event do të shkojnë për shoqatat e bamirësive që kanë marrë përsipër t’i thonë “jo” dhunës ndaj femrave dhe diskriminimit të tyre. Më poshtë lista e personazheve që do të zbresin në fushën e lojës.