Berat Gjimshiti ka plotësuar numrin e kartonëve dhe kështu duhet të mungojë ndaj Letonisë. Kapiteni i Kombëtares u ndëshkua dje kundër Serbisë, ndërsa ndeshja u mbyll me barazim pa gola.
Trajneri Silvinjo la të nënkuptohet kush do të jetë zëvenësuesi i Gjimshitit me Letoninë. Bëhet fjalë për Adrian Bajramin, që ndodhej mbrëmë në tribunë.
“Mungesa e Gjimshititi? Nesër duket të shohim gjithçka. Tani kemi 5 qendërmbrojtës bashkë me Adrian Bajramin që po më çmend, po luan shumë mirë. Ai do shkojë pas ndeshjes në SHBA për të luajtur me Benfikën në Botëror. Kemi lojtarë dhe është e mirë për zgjedhje, do të bëjmë stërvitjen do të shohim. Sot kemi shpenzuar shumë energji”, u shpreh trajneri brazilian pas ndeshjes.
Duke qenë se Gjimshiti lë një vend të lirë, Bajrami si mbrojtësi i vetëm nga tribuna pritet t’i shtohet lojtarëve në dispozicion. Kujtojmë se edhe Pajaziti, Dajsinani dhe Berisha nuk ishin në dispozicion të Silvinjos dje.
