Cristiano Ronaldo vazhdon të shkruajë historinë në futboll. Ylli portugez shënoi golashënuesin e tij të 800-të në karrierë me klubet, gjatë fitores bindëse të Al Nassr 5–1 ndaj Al Fateh, të shtunën në kampionatin saudit.
Megjithëse penalltia e tij në minutën e 59-të u prit nga portieri kundërshtar, Ronaldo reagoi menjëherë, duke realizuar vetëm një minutë më pas – një gol fenomenal dhe historik që vulosi një tjetër arritje legjendare në karrierën e tij të jashtëzakonshme.
Spektaklin në stadium e shtoi edhe prania e IShowSpeed, ylli i YouTube-it dhe fansi i flaktë i Ronaldos. Ai ishte në tribuna, duke transmetuar drejtpërdrejt reagimet e tij, që shpejt u bënë virale në rrjetet sociale.
Pas ndeshjes, dyshja e papritur ndau një moment të veçantë. Në një video që u përhap menjëherë online, Ronaldo i mëson Speed-it si të luajë në daulle, duke krijuar një atmosferë argëtuese dhe të papritur pas një mbrëmjeje të mbushur me emocione dhe histori.
