Floyd Mayweather pretendon se mund të blejë klubin e Newcastle United dhe të rikthejë Cristiano Ronaldo-n në Premier League.
Legjenda e boksit njihet për investimet multi-milionëshe dhe tani i ka shkuar në mendje të blejë një klub në Premier League.
Gjigantët e veri-lindjes Newcastle kanë disa muaj që po kërkojnë një blerës të ri dhe Mayweather tashmë ka një ide për të investuar.
“Nëse do të investoja do të qëndroja shumë në qytetin e Newcastle duke festuar. Jam i dashuruar pas Newcastle, aty bëhen festat më të çmendura në botë.
“Jam takuar me disa prej lojtarëve vitin e kaluar dhe janë djem të mirë. jam gjithmonë i hapur për mundësitë e reja për të investuar pasi e dua sportin, por unë investoj me kokë dhe jo me zemër.
Mbase futbolli nuk është loja ime por unë kam lidhje kudo. Cristiano Ronaldo është një mbështetës i vjetër i imi dhe një mik i mirë, kështu që do të jem në gjendje ta sjell te Newcastle për të mbyllur karrierën.”
Nëse Mayweather është serioz apo jo, mbetet për t’u parë.
