Merr frymë lirisht skuadra e Arsenal që mund të bazohet te Danny Welbeck për dy ndeshjet kundër CSKA Moskë në çerekfinalet e Europa League. UEFA ka vendosur mos penalizon qendërsulmuesin anglez, që në ndeshjen kundër Milan ishte protagonist i një simulimi në qendër të zonës së kuqezinjve, që solli penalltinë e barazimit të përkohshëm 1-1, në ndeshjen që u mbyll 3-1 për “topçinjtë”.
Welbeck rrezikonte skualifikimin për simulim, por pamjet filmike të studiuara nga UEFA nuk jepnin prova filmike për diçka të tillë. Në këtë mënyrë, futbollisti, që u hodh si të ishte në pishinë në episodin me Rodriguez, nuk ka bërë shkelje të etikës sportive dhe do të jetë rregullisht në dispozicion të Wenger për ndeshjet çerekfinale kundër CSKA Moskë më 5 dhe 12 prill
