Bayern Munich po tregon interes të madh për yllin sulmues të RB Leipzig, Emil Forsberg. “Calciomercato.it”, shkruan se përveç Juventusit dhe Arsenalit edhe kampionët e Gjermanisë janë favoritë për të siguruar shërbimet e suedezit Emil Forsberg.
Megjithatë, ylli i ofensivës së RB Leipzig ende ka një kontratë deri në vitin 2022. Nëse Forsberg do të transferohet në Bayern, do të vendoste një rekord të ri në Bundesliga.
Blerja më e shtrenjtë deri më tani është Julian Draxler, i cili u transferua nga Schalke 04 në VfL Wolfsburg në vitin 2015 për 43 milionë euro.
Forsberg ndoshta do të jetë shumë më i shtrenjtë. Gjithsesi duket shumë e vështirë, që ky operacion të realziohet këtë merkato vere, pasi Leipzig nuk dëshiron ta shesë. 26-vjeçari ka një kontratë afatgjate me Leipzig dhe nënkampionët nuk kanë as interes dhe as nevojën financiare për ta shitur superyllin e tyre, madje edhe te rivali i FC Bayern.
