Zlatan Ibrahimovic edhe zyrtarisht i është bashkuar Los Angeles Galaxy në ligën elitare të Shteteve të Bashkuara, MLS, pasi Manchester United ia ndërpreu kontratën.
Ish-përfaqësuesi suedez ka vendosur të largohet nga “Old Trafford” pas një qëndrimi njëvjeçar e gjysmë dhe sipas Marca, ai ka pranuar ulje page prej 95% për të kaluar në MLS, transmeton Express.
Klubi nga MLS, në fakt, nuk mund ta tejkaloi limitin e pagës prej 3.2 milionë euro, që do të thotë se atyre iu lejohen të shpenzojnë vetëm 1.2 milionë euro për ish-yllin e Juventusit, Interit, Barcelonës dhe Milanit.
Kjo do të thotë se paga e Ibrës do të ulet nga 21.8 milionë euro në vit në 1.2 milionë euro në sezon: 95% ulje page.
