Garet Bejl po kalon muajt e tij të fundit në Madrid. Kontrata e tij me Realin përfundon në mbyllje të sezonit dhe klubi spanjoll ka vendosur të mos rinovojë me të.
Në këto kushte ai do të largohet si një lojtar i lirë. Sipas mediave spanjolle, ai ka nisur të mendojë për të ardhmen e tij, ku janë dy mundësi zgjedhjeje, rikthimi në Premier Ligë ose transferimi në kampionatin e SHBA-së.
Gjithsesi, për momentin nuk ka ndonjë informacion më shumë në lidhje me klubet e interesuara për shërbimet e sulmuesit të krahut të Realit të Madridit.
Ky që po mbyllet ka qenë një sezon problematik për Bejl, i cili numëron vetëm 5 ndeshje dhe 271 minuta aktivizim në të gjitha kompeticionet.
