Nuk është çudi që Jose Mourinho është një admirues i Arturo Vidal. Shumë herë portugezi është munduar të sjellë tek United yllin e Bayern. Por mesa duket tani e ka seriozisht.
Sipas kilianes La Cuarta, United ka ofruar 48 milionë euro për Vidal. Oferta përfshin një kontratë katërvjeçare me rrogë 14,4 milionë euro në sezon për lojtarin. 30-vjeçari ka një kontratë deri në 2019 me bavarezët.
Nëse gjermanët duan të fitojnë një shumë të mirë, atëherë duhet ta shesin gjatë kësaj vere duke mos rrezikuar ta lejojnë të largohet me parametra zero vitin tjetër.
Por edhe Chelsea është duke vëzhguar gjendjen e kilianit. Trajneri Antonio Conte thuhet të ketë folur personalisht me Vidal gjatë dimrit për ta bindur për një transferim në Londër.
Të dy njihen nga koha kur ishin tek Juventus.
