Trajneri i Crystal Palace, Roy Hodgson, nuk është i sigurt nëse klubi mund ta mbajë sulmuesin e shumëkërkuar, Wilfried Zaha, gjatë afatit kalimtar të janarit.
Përfaqësuesi në formë i Bregut të Fildishtë ka shënuar katër gola në Premier Ligë për ta ndihmuar Palace – që është i pamposhtur në shtatë ndeshje – të dalë nga zona që dërgon një ligë më poshtë dhe të ngjitet në vendin e 14-të, transmeton Express.
Performancat e mira të Zahas i kanë ndihmuar 25-vjeçarit të lidhet ngushtë me një numër skuadrash të mëdha, përfshirë Manchester Cityn, Arsenalin dhe Chelsean.
Por, derisa Hodgson është i përkushtuar ta mbajë atë në skuadër, e pranon se situata mund të mos jetë nën kontrollin e tij.
