45’ minutat e parë në “Ramón Sánchez Pizjuán” mes Sevilla dhe Bayern Munich u mbyllën në barazim 1-1. Bavarezët e kontrolluan më tepër lojën, por rastet më të pastra për gol i patën andaluzianët. Vendasit kaluan në avantazh në minutën e 32’ me anë të Sarabia. Pas një zbritjeje të shpejtë në sulm, Escudero kroson në zonë nga e majta dhe aty përfiton Sarabia, i cili nuk e ka të vështirë të mposhtë portierin Ulreich.
Përveç disavantazhit, Heynckes e shqetëson edhe dëmtimi i Vidal. Mesfushori largohet nga fusha duke i lënë vendin kolumbianit Rodriguez. Pak para fundit miqtë barazuan ndeshjen me anë të Ribery, që i dëmtuar edhe nga Navas e dërgoi topin në rrjetë.
