Deri një javë më parë, Barcelona po shpresonte të triumfonte në të gjitha garat.
Katalanët tashmë në La Liga e kanë mbyllur çështjen e fituesit, në Kupën e Mbretit cilësohen favoritë, dhe Liga e Kampionëve ishte gara që duhej të sfidoheshin për të përmbyllur me sukses të lartë këtë vit.
Edhe pse kishin avantazh 4:1 nga ndeshja e parë ndaj Romës, Barcelona përjetoi tmerrimin në ‘Olimpico’, duke u përmbysur e mposhtur me rezultat 3:0.
Pas ndeshjes, në zhveshtoren e Barcelonës nuk mbretëronte aspak atmosferë e mirë.
Ishte Messi që kishte marrë fjalën e po kritikonte trajnerin Valverde shkruan ‘Chiringuito’.
Argjentinasi ka kriktuar Valverden për taktikat e përdoruara në këtë ndeshje, dhe për mos kryerjen e asnjë zëvendësimi deri në minutën e 81’ të ndeshjes.
Pothuajse të gjithë lojtarët zgjodhën të mos ndërhyjnë në këtë diskutim, por jo edhe Pique, që miratoi atë që tha Messit.
Edhe pse Valverde mori përsipër fajin për eliminimin, zemërimi nuk ndryshoi
