“Një sjellje aspak profesionale dhe në mungesë totale respekti.” Në këtë mënyrë, drejtori sportiv i Frankfurtit, Fredi Bobic, ka komentuar zyrtarizimin nga ana e Bayern Munich se trajneri i tyre në sezonin e ardhshëm do të jetë Niko Kovac, që është ende trajneri i Eintracht, me një kontratë deri në vitin 2019 dhe klauzolë për prishjen e saj 2 milionë euro.
Drejtori sportiv i Frankfurt, nuk ka pëlqyer Bayren që nuk i ka njoftuar më parë se do t’i merrnin trajnerin.
“Ky është një informacion që e kishim lexuar në shtyp, por më pas e pamë të zyrtarizuar në rrjetet sociale. Eshtë një veprim i turpshëm, – tha Bobic. – Drejtuesit e Bayern duhet të na kishin njoftuar. Ata nuk kanë respekt për ekipet e tjera gjermane.”
Kovac nuk e ka komentuar lajmin, duke u mjaftuar të thotë: “Gjithçka ndodhi shumë shpejt”
