Jurgen Klopp kërkon përforcime në mesfushë për Liverpool, për sezonin e ardhshëm dhe sipas shtypit ka vënë në shënjestër dy “diamantet” e Napoli: Piotr Zielinski dhe Jorginho.
Sipas “Daily Mirror”, për të marrë shërbimet e mesfushorit polak, i preferuari i trajnerit gjerman, duhen 66 milionë euro, ndërsa Jorginho kushton 58 milionë euro dhe për të “të kuqtë” duhet të mposhtin konkurrencën e Manchester United, Manchester City dhe Arsenal.
“Yjet” e De Laurentis pëlqehen nga gjysma e Europës dhe Liverpool po përgatitet të investojë te dy prej tyre, për të zëvendësuar Emre Can, që nuk do të rinovojë kontratë, teksa me ardhjen e Naby Keita nga Leipzig, Klopp kërkon t’i jap një imazh të ri mesfushës.
Nëse “të kuqtë” do të shkojnë në finalen e Champions League dhe do të kualifikohen për pjesëmarrjen në këtë veprimtari edhe sezonin e ardhshëm, si ka të ngjarë të ndodhë me renditjen e tyre në Premier League, atëherë do ta kenë më të lehtë të gjejnë fondin prej 124 milionë euro për të parë dy lojtarët e Napoli.
