Atletico Madrid ka bërë një paraqitje tepër të dobët sot kundër skuadrës baske, Real Sociedad. Madrilenët kanë humbur me rezultatin e papritur 3-0.
Pjesa e parë ishte tërësisht e dominuar prej Sociedadit, derisa goli erdhi në minutën e 27-të nga William Hose.
Sociedad kishte edhe disa raste për shënim, por nuk i shfrytëzuan.
Atletico e nisi më mirë pjesën e dytë, por baskët e qetësuan lojën.
Adnan Januzaj sot ishte në një formë të mirë dhe vazhdimisht ka pasur depërtime nga ana e djathtë e fushës.
Goli i qetësisë për Real Sociedadin erdhi në minutën e 80-të nga Juanmi, i cili shënoi një gol të bukur me parabolë.
Baskët nuk u ndalen dhe shënuan golin e radhës në minutën e 92-të.
Me këtë fitore, Real Sociedad mbetet në vendin e 11-të me 43 pikë, kurse Atletico mbetet në vendin e dytë më 71 pikë, 12 më pak se Barcelona.
La Liga është në javën e 33-të dhe në rast se Barcelona fiton ndeshjen e ardhshme zyrtarisht do të jetë kampion i Spanjës për shkak se e ka mposhtur në të dy ndeshjet direkte skuadrën nga Madridi.
