Bayern Munchen ka zbuluar një xhevahir dhe e kërkon me patjetër ta ketë atë. Ai quhet Paulinho, është vetëm 17 vjeç dhe luan në Brazil për skuadrën e Vasco da Gama-s. Konsiderohet si një nga futbollistët më të talentuar në Amerikën Latine dhe gjigantët bavarezë po shpejtojnë që ta marrin atë në Munich.
Klauzola e tij e shitjes është 30 milionë euro, por në klubin gjerman shpresojnë se atë mund ta shesin më lirë. Dhe kjo sepse klubi brazilian që e ka atë në pronësi po kalon një situatë delikate ekonomike dhe ka nevojë për të ardhura. Gjithsesi, Bayern nuk duhet që të mendojë shumë për shpenzimet, pasi janë të tjera klube të fuqishme të cilat janë gati që të paguajnë për Paulinho-n.
Sipas medieve braziliane, Bayer Leverkusen nuk ka humbur kohë dhe ka nisur tashmë bisedimet me përfaqësuesit e talentit. Madje një drejtues i klubit dhe një doktor udhëtuan në Brazil, ku i kryen një vizitë mjekësore të riut, e cila u kalua pozitivisht. Mesfushori kishte pësuar një dëmtim në dorë, por ai është rikuperuar plotësisht.
Si Bayern, ashtu edhe Bayer synojnë që ta marrin të riun në qershor, kur ai të ketë mbushur 18 vjeç. Përveç tyre, interesim për talentin kanë shprehur edhe Benfica, Manchester City, Borussia Dortmund, Juventus dhe Paris Saint-Germain.
