Nicolo Barella është një nga talentet më premtues në Serinë A, teksa po shkëlqen këtë sezon me Cagliarin. 20-vjeçari ka tërhequr vëmendjen e shumë klubeve, jo vetëm në Itali, por edhe jashtë, teksa spikatin Interi, Milani, Napoli, Liverpooli, dhe Tottenhami.
Zikaltrit e Spallettit janë ata që kanë bërë hapa konkretë në drejtim të tij, teksa kanë kërkuar informacion zyrtar te presidenti i Cagliarit, për mundësitë e transferimit.
Ky i fundit është një tifoz i zjarrtë i Interit, ndaj edhe zikaltrit ndihen disi të favorizuar në këtë tratativë, ndonëse për të marrë shërbimet e Barellas, duhet të paguajnë minimalisht 20 milionë euro.
Nga ana tjetër, së fundi është Liverpooli i Klopp që kërkon t’i prishë punë zikaltërve, pasi ka bërë një ofertë zyrtare prej 20 milionë eurosh, për të blerë kartonin e Barellas.
