Largimi i Andres Iniestas nga Barcelona, ka prekur edhe Lionel Messi.Argjentinasi ka publikuar një shkrim emocionues në llogarinë e tij në Facebook kushtuar Andres Iniestas, personit me të cilin arriti sukseset më të mëdha në karrierë.
Messi e ka falënderuar Iniestan për vitet e kaluara së bashku, duke u ndjerë i privilegjuar që ka luajtur me të.
“Faleminderit për gjithë këto vite që kaluam së bashku Andres Iniesta. Ka qenë një privilegj të kënaqem në këtë sport me ju, ku kemi ndarë së bashku momente të paharrueshme”, nis shkrimi i Messit.
“Ju uroj gjithë të mirat në kapitullin e ri që po nisni, në futboll dhe në jetën personale. Jeni një djalë i shkëlqyer, si në fushë ashtu edhe jashtë saj. Do na mungosh”.
