Edhe pse nuk ka patur asnjëherë më parë probleme lidhur me likuidimin e rrogave të Skënderbeu, prejt ditësh qarkullon lajmi që lojtarët kanë tre muaj pa u paguar. Gjithsecili mund të mendojë që kjo gjë ka ndikuar në rezultatet e takimeve të fundit, sigurisht që mundet.
Edhe pse diskutohet se korçarët nuk kanë marrë pagesat prej tre muajsh, nga ana tjetëre flitet se kjo gjë ka të bëjë thjesht me anën proçeduriale, pasi deri më sot klubi korçar nuk ka rezultuar të ketë ndonjë detyrim të pashlyer ndaj ndonjë lojtari apo dhe pjestari të stafit teknik.
Në kampin korçar pritet që në takimin e radhës ndaj Lushnjes të vijë kthesa e madhe dhe Skënderbeu të sigurojë matematikisht kampionatin, ndërkohë që dhe çështja e rrogave është histori më vete.
Edhe pse ekipi ka siguri, tre muaj pa rroga janë shumë, çka lë të kuptohet se kjo situatë ndikon në psikologjinë e lojatëve, duan apo nuk duan ata në momentin që zbresin në fushën e blertë.
