Federata ka preferuar të heshtë, duke mos specifikuar natyrën dhe arsyet e hetimit ndaj 32-vjeçarit. FIFA nga ana tjetër u mjaftua vetëm të thoshte se “është një çështje e brendshme e Federatës së Futbollit të Arabisë Saudite”, duke refuzuar të japë koment të mëtejshëm mbi statusin e Al Mirdasit në Kupën e Botës, e cila fillon muajin e ardhshëm.
Zyrtari u zgjodh për Kupën e Konfederatave të vitit të kaluar, e cila shërbeu si një turne përgatitor, përpara fillimit të Botërorit në Rusi. Ai drejtoi ndeshjen e tretë midis Meksikës dhe Portugalisë, në të cilën u akorduan dy penallti, dy lojtarë të dërguar jashtë me karton të kuq në kohën shtesë dhe me trajnerin e Meksikës Juan Carlos Osorio që gjithashtu ndëshkua me të kuq. Al Mirdasi ka qenë gjithashtu gjyqtar në Olimpiadën e Rio de Janeiro të zhvilluar në vitin 2016.
