Sam Allerdyce ka fituar një shifër të frikshme 15 milionë euro duke u shkarkuar nga klubet.
Everton konfirmoi se kishte larguar trajnerin 63-vjeçar pas një takimi mes tij dhe pronarit Farhad Moshiri.
Por mos u mërzisni shumë për Big Sam.
Ai ka fituar para të madhe vetëm nga kompensimet e përfshira në klauzolat e kontratave – dhe kjo e fundit me Everton ishte më fitimprurësja.
Më poshtë keni të gjitha shumat që ai ka fituar nga klubet e ndryshe pasi është shkarkuar.
2018 Everton – 7 milionë euro
Everton i ka dhënë një shifër marramendëse Allerdyce. Pasi iu bashkua klubit nëntorin e kaluar duke firmosur për 18 muaj por në fund të sezonit ai u shkarkua pasi si klubi ashtu edhe tifozët ishin të pakënaqur me të.
Gjithsesi ai do të paguhet për 18 muajt e nënshkruar edhe pse stafi i tij do të marrë rrogat e vetëm tre muajve të ardhshëm.
2016 Anglia – 1.3 milionë euro
Allerdyce u shkarkua nga posti i trajnerit të përfaqësueses angleze pas një skandali korrupsioni. Gjithsesi, ai nuk doli pa gjë, Federata Angleze i dha 1.3 milionë euro dëmshpërblim.
2010 Blackburn – 3 milionë euro
Big Sam u shkarkua nga Blackburn me një vit të mbetur në kontratën e tij. rroga 3 milionë euro në sezon iu pagua megjithëse ai ishte pushim. Arsyeja e shkarkimit ishte se ai nuk garantonte futboll të bukur.
2008 Newcastle – 4.7 milionë euro
Allerdyce bleu një vilë fantastike në Spanjë me milionat që fitoi pas shkarkimit nga Newcastle. Prona në Costa Blanca madje është emëruar Casa St James, si stadiumi i klubit.
Ai e bleu vilën luksoze për 2.5 milionë euro dhe aktualisht shitet 5 milionë euro. Ajo ka një pamje nga deti, pishinë, pesë dhoma gjumi dhe një kopsht gjigant.
1996 Blackpool 15,000 euro
Thuhet se pronari i Blackpool e ka shkarkuar Allerdyce gjatë kohës kur ai ishte në burg.
