Skuadra e Interit në sezonin e ardhshëm do të luajë pas 6 sezonesh në Champions League. Pasi kanë siguruar shërbimet për lojtarët Lautaro Martinez, De Vrij dhe Asamoah, zikaltërit ende nuk kanë zgjidhur çështjen e mbrojtësit të djathtë Cancelo dhe mesfushorit të ardhur në huazim nga Barcelona, Rafinha.
Mbrojtësi portugez është i kërkuar nga skuadra e Manchester United, të cilët janë të interesuar ta kenë lojtarin në “Old Trafford”.
Kujtojm që Inter duhet të zgjidh edhe çështjen me mbrojtësin Nagatomo, i cili duhet të vendosë nëse do të qendrojë në Turqi tek skuadra e Galatasaray, apo do të rikthehet në Milano.
