Fitorja e Kupës së Anglisë ka pak mundësi ta shpëtojë Antonio Conte-n nga shkarkimi, por italiani nuk do ta kishte problem të bënte disa ditë pushim me dëmshpërblimin prej 9 milionë sterlinash që do të marrë nga klubi londinez.
Problemet mes sh-trajnerit të Italisë dhe pronarit të Chelsea kanë filluar që nga mbyllja e merkaton së parë të transferimeve pasi Conte mori drejtimin e ekipi në verën e 2016-ës.
Ai është ankuar se klubi nuk arriti të blente të gjithë lojtarët që kishte kërkuar, por “Blutë” arritën ta fitonin gjithsesi titullin. Ankesat e italianit kanë vazhduar edhe në këtë sezon, që ka qenë një dështim për londinezët.
Në kontratën e re të nënshkruar verën e kaluar shkruhet se trajneri do të përfitojë 12 muaj rrogë në rast se nuk gjen një ekip tjetër pas një shkarkimi të mundshëm.
