Shkodra është në zi pas rënies nga kategoria të Vllaznisë. Sigurisht që kjo ishte një goditje e madhe për sportdashësit shkodranë, por jo vetëm, pasi askush nuk mundet ta besojë që një skuadër kaq e madhe do luajë në kategorinë inferiore.
Por fakt t tashmë nuk është problemi i vetëm në kampin shkodran. Problemi madhor që duhet të zgjidhet tani janë kontratat e lojtarëve. Pritet që shumë nga titullarët dhe “veteranët” të largohen, ndërkohë që një pjese të mirë të lojtarëve iu përfundon kontrata.
Nuk dihet ende se si do të zgjidhet kjo çështje, pasi është një problem i vërtetë. Pervecç moralit që është përtokë, duhet të mendohet se me cilët lojtarë Vllaznia do luajë në Kategorinë e Parë vitin që vjen, problem që kërkon një zgjidhje imediate.
