Kievi mund të thuhet me plot gojën se është pushtuar nga “Ushtria e Kuqe”. Por mos u frikësoni, janë “Reds”-at nga Liverpool, jo nga Moska… E sigurt është se një prej tifozerive më të famshme në botë sot e ka fituar sfidën me rivalët e Real Madrid. Në fushë gjërat mund të shkojnë shumë më ndryshe, pasi madrilenët janë pretendentët kryesorë për të rrëmbyer trofeun, por nëpër rrugët e kryeqytetit ukrainas askush nuk mund të ketë dyshime për fansat më të zjarrtë.
Tifozët anglezë janë gjithmonë të gatshëm për të bërë festë, edhe pasi disa prej tyre u sulmuan nga huliganët vendas. Ata janë parë nëpër rrugë me flamuj, birra e kitara, duke festuar një prej ngjarjeve më të rëndësishme sportive të vitit. Pak të tjerë janë në gjendje që të ndezin atmosferën si ata. Vetëm shikoni fotot dhe krahasojini me tifozët e qetë të Real Madrid.
Tani i mbetet skuadrës së drejtuar nga Jurgen Klopp që t’i shpërblejë me një paraqitje madhështore pas pak orësh. Ata pjesën e tyre deri tani e kanë bërë dhe nuk ka dyshim që do ta bëjnë edhe brenda shkallëve të stadiumin “Olimpiskiy”
