Kastrioti është rikthyer në Superligë dhe tashmë në sezonin që vjen do luajë mes më të mirëve. Krutanët së fundmi kanë emëruar në krye të ekipit edhe trajnerin e ri që do jetë Elvis Plori. Plori njihet si një nga trajnerët e prespektivës në vendin tonë dhe shihet si një nga ata që do kenë të ardhme të ndritur.
Por për të mbijetuar në Superligë edhe sezonin që vjen te Kastrioti e dinë mirë se duhet të bëjnë një merkato cilësore. Për këtë arsye po studiohet tregu që mund të ofrojë futbolli vendas dhe në javët e fundit për afrimin te krutanët ka qarkulluar edhe emri i Sebino Plakut. Kastrioti kërkon të ripërsërisë sezonin e suksesshëm që kishte në Kategorinë e Parë edhe në Superligë sezonin që vjen.