Përzgjedhja e formacionit më të mirë në botën e futbollit duket se ka filluar të dalë nga moda, por kur përzgjedhësi është Zinedine Zidane e vetmja gjë që duhet të bësh është të dëgjosh dhe të mbash shënime.
Trajneri i Real Madrid është pyetur nga revista “Shortlist” për të zgjedhur formacionin e tij më të mirë të Premier League. Gjatë periudhës tek Juventus, lojtari i kombëtares franceze, ka luajtur me dhe kundër lojtarëve më të mirë të Premier League, ndërsa tre prej bashkatdhetarëve të tij janë pjesë e formacionit.
Ndeshjet e shumta të Juventus kundër Manchester United në Champions League, në vitet ’90, duket se kanë lënë mbresa te fituesi i Topit të Artë, pasi ai ka zgjedhur katër lojtarë që kanë qenë pjesë e skuadrës së Alex Ferguson që fitoi gjithçka në sezonin 1998-99.