14 qershorin e ardhshëm e gjithë vëmendja e botës do të jetë në Rusi, aty ku do të zhvillohet Kupa e Botës. Një Botëror që ka disa statistika interesante, një prej të cilave ka të bëjë me vlerën e kombëtareve që do të marrin pjesë në të.
Një renditje kjo që kryesohet nga Franca, e cila ndiqet nga Spanja dhe Brazili. Ndërsa, në vendin e fundit është Panama me një vlerë 9 milionë euro. Renditja në fjalë është bërë nga e përditshmja franceze “L’Equipe”, që është bazuar në të dhënat e “transfermarkt.com”.
Kombëtarja franceze vlen plot 1 miliard e 80 milionë euro, 40 milionë euro më shumë se Spanja. Në vendin e tretë është Brazili(952), që ndiqet nga Gjermania, Anglia, Belgjika, Argjentina dhe Portugalia.
Duke shikuar të dhënat, shihet se 15 vendet e para dominohen nga kombëtaret e Europës dhe Amerikës së Jugut. Vetëm Senegal arrin të thyejë këtë duopol me 290,2 milionë eruo, kryesisht falë Mane, Koulibaly dhe Keita Balde. Ndërsa, Egjipti është në vendin e gjashtëmbëdhjetë falë Salah.
