Në 24 orët e fundit qarkulloi lajmi se lojtari i Lyonit, Nabil Fekir kishte arritur akordin me Liverpool-in për shumën 57.1 milionë funte dhe se këto ditë do zhvilloheshin dhe vizitat mjekësore, duke e cilësuar këtë gjë si çështje të mbyllur.
Së fundmi, ka qenë klubi i lojtarit, që nëpërmjet një postimi në Twitter ka hedhur poshtë të gjithë lajmet që qarkulluan së fundmi lidhur me largimin e lojtarit.
“Informacioni mbi transferimin e Nabil Fekir është i rremë. Olympique Lyonnais kategorisht mohon informacionin e rremë të shpërndarë nga shumë medie në lidhje me transferimin e Nabil Fekir në Liverpool”, shkruhet në njoftimin e publikuar pak minuta më parë.
